Local Social Aturuxo

Barbança, Galiza
A asociación Aturuxo está composta por veciñas e veciños de Boiro e da comarca que tras moito traballo conseguimos abrir un Local Social no noso concello para dinamizar o tecido asociativo e cultural. É un proxecto cuxos obxectivos son a dignificación e o espallamento da lingua e cultura galegas, a libre expresión e a dinamización social ante a desgaleguización que sofre o país en xeral e zona na que vivimos en concreto, loitar contra das inxustizas sociais... e ofrecer tamén unha alternativa lúdica á que nos ten acostumad@s esta sociedade de consumo.

terça-feira, 11 de dezembro de 2012

Xantar tradicional de inverno

.

O L.S Aturuxo organiza un xantar tradicional para darlle a benvida o inverno e o Apalpador (a partir desta fin de semana teremos bonecos do Apalpador á venda no local), con productos típicos desta estación. O xantar comezara ás 14:00, no L.S Aturuxo. O prezo do xantar é de 10€. Agardamos a túa presenza!

 Importante!!! O xantar adiase ata novo aviso, pedimos desculpas a aquelas persoas que se anotaron e van ter que agardar para degustar un bo cocido. Nos próximos días publicaremos a nova data. Prometemos facer o mellor cocido do pais para toda a xente que se anime a compartilo con nós.

sexta-feira, 16 de novembro de 2012

29 de dezembro em Ponte Vedra: Galiza – Kurdistám



Siareir@s Galeg@s / Mais um ano a Xunta em maos do PP segue sem convocar o partido amigável de nadal da Selecçom Galega de futebol e, mais um ano, desde Siareir@sGaleg@s volvemos tomar a iniciativa de suplir este desleixo para com o nosso desporto organizando as jornadas de dezembro. Mas este dia festivo e também de luita nom pretende simplesmente suplir o insuficiente jogo amigável que a nossa selecçom vinha jogando umha vez ao ano, senom que reivindica o nosso primeiro objectivo: a total oficialidade das nossas selecçons desportivas, em pé de igualdade com a de qualquer outro país do mundo. De aí a legenda escolhida este ano:Duas naçons, um objectivo: oficialidade! Este ano as jornadas desenvolverám-se em Ponte Vedra, no entorno da Junqueira.
Como cada ano, aproveitamos a liberdade que nos dá nom depender das instituiçons para elegir um companheiro de jogo que nos dea a oportunidade de solidarizarmo-nos com a sua causa, que é a mesma que a nossa. Este ano o partido jogarase contra a selecçom oficial do Kurdistám, umha naçom também negada e que sofre diariamente a repressom de quatro estados diferentes, nomeadamente do turco. Com este rival, desde Siareir@sGaleg@s queremos dar-lhe voz ao povo kurdo e estreitar os laços de irmandade entre os nossos países.
Com a forte crise sistémica que padecemos, com as vontades do povo catalám e basco superando os límites da Carta Outorgada do 78 e a autonomía galega morta por inaniçom, o Estado das Autonomías nascido da segunda transiçom bourbónica está chamado a desaparecer. Desde as forças centralistas espanholas sabe-no bem, e nos últimos tempos o desporto foi utilizado como umha das suas principais armas para manter essa suposta “unidade” e “sentimento nacional espanhol”.
Com os mass media do reino trabalhando arreo em dar-lhe publicidade aos êxitos desportivos de La Roja, às vezes semelha que os galegos nom existimos. Semelha que toda essa gente que se indignou quando as ruas se tinguiam da cor do sangue mentres desde Moncloa se preparava umha reforma laboral nom tenhem voz. As galeguinhas ficavamos caladas.
Mas nom é certo. Somos muitas as galegas que exercemos a nossa identidade no dia a dia, também no ámbito desportivo, e este 29 de dezembro teremos umha oportunidade de amosar a nossa indignaçom na manifestaçom nacional que percorrerá as ruas de Ponte Vedra antes do partido. Mas também temos oportunidade de desfrutar e trabalhar em positivo com o partido Galiza – Kurdistám. Ou com o clássico aberto de bilharda. Ou a demostraçom de futebol gaélico, esse desporto celta que está arrasando no nosso país. Ou escuitando a nossa música e a doutros países com os concertos de Cé orquestra pantasma, Rebeliom do Inframundo, Arenga, Falperrys e Berri Txarrak.
Desde Siareir@s Galeg@s animamos-vos a todas as que queredes ver a nossa selecçom jogando o mundial a vir a Ponte Vedra o 29 de dezembro. Umha naçom, umha selecçom!

quarta-feira, 14 de novembro de 2012

Magosto Popular no L.S Aturuxo


O sábado 24 de novembro celebramos o noso Magosto Popular no Local Social Aturuxo. A partir das 20:00 teremos degustación de castanhas, chourizos asados e a mellor música galega.

segunda-feira, 29 de outubro de 2012

DIA DE DEFUNTOS NO ATURUXO




O próximo venres 2 de novembro o L.S Aturuxo organiza o seu particular Dia de Defuntos ou Samaín a partir das 21:00. O Samaín foi habitualmente descrita como unha comuñón cos espíritos dos defuntos que, especialmente nas datas do 31 de outubro ó 1 de novembro, terían autorización para camiñar entre os vivos. Abríanse as portas entre este mundo e alén, dándolle á xente a posibilidade de reunirse cos seus antepasados mortos.

domingo, 14 de outubro de 2012

Roteiro pola serra do Barbanza: Vitres



O sabado día 27 de outubro o L.S Aturuxo organiza un Roteiro pola serra do Barbanza, ata o Castelo de Vitres, perto da aldea de Mosquete, a saída terá lugar dende o local ás 10:00 da mañán, cunha duración aproximada de 4 horas e de dificultade moderada.

Este é o segundo roteiro que organiza a comisión de medio ambiente, o que supón a continuación de accións de denuncia, preservación e promoción de espazos naturais do noso concello e comarca.

terça-feira, 18 de setembro de 2012

29 de setembro: Campionato de bolos celtas


O sábado 29 de setembro a partir das 12:00, o Local Social Aturuxo con a colaboración da Asociación de Bolos de Triñáns, organiza unha xornada de convívio e de desfrute dos nosos deportes e xogos tradicionais.

A partir das 12:00: Música ao vivo coa actuación dunha banda de gaitas e xogos tradicionais

Ás 14:00: Xantar popular

A partir das 16:30: Campionato de bolos celtas e xogos tradicionais 


sexta-feira, 7 de setembro de 2012

Recuperar o rural para defender a Terra: Acampamento de montanha 2012

Mais um ano AMAL celebra o seu tradicional acampamento de montanha, desta volta na serra da Martinhá os dias  21, 22 e 23 de setembro, dende o Local Social Aturuxo queremos animar a todas e todos a participar no que vai ser um fim de semana de convívio, formaçom e de conhecimento do nosso pais.


Lugar: Freás de Canda (Concelho de Pinhor). Comarca do Carbalhinho.
Data: O fim de semana do 21, 22 e 23 de setembro de 2012.

quinta-feira, 2 de agosto de 2012

Roteiro polo río Beluso



venres día 17 de agosto o L.S Aturuxo organiza un Roteiro polas ribeiras do río Beluso, a saída terá lugar dende o local ás 10:00 da mañán, cunha duración aproximada de 4 horas e de dificultade moderada-baixa.

Durante o percurso do roteiro limparemos aquelas zonas do río que o precisen (levaremos material para  limpeza) e aproveitaremos para marcar e limpar os tramos do roteiro que precisen sinalización ou limpeza. Con este roteiro a comisión de medio ambiente ponse en andamento, no que será a súa primeira acción de denuncia, preservación e promoción dun espazo natural no noso concello e comarca.

segunda-feira, 16 de julho de 2012

Día da Patria Galega no Aturuxo


Este ano o L.S Aturuxo celebra o  Día da Patria o venres 20 a partir das 20:30 da noite, cunha pequena charla sobre as orixes e a historia do Día da Patria e unha pequena cea, na que vos podedes anotar no correo do L.S Aturuxo (localsocialbarbanza@gmail.com). Sortearemos tamén varios facsimiles de publicacións históricas do nacionalismo galego como a Nosa Terra, A Fouce...



"Cando a Santa Compaña de inmortaes galegos, que acaba de pasar por diante da nosa imaxinación, se perde espesura d-unha foresta lonxana, con esa mesma imaxinación veremos xurdir do Humos da terra-nai, da terra, da nosa terra, saturada de cinzas humáns, unha infinida moitedume de luciñas e vagalumes, que son os seres innominados que ninguén recorda xa, e que todos xuntos forman o substractum insobornabel da patria galega. Esas ánimas sen nome son as que crearon o idioma que en que eu vos estou falando, a nosa cultura, as nosas artes, os nosos usos e costumes, i en fín, o feito diferencial de Galiza. Elas son as que, en longas centurias de traballo, humanizaron o noso territorio patrio, infundíndolle a todal-as cousas que na paisaxe se amostran o seu propio esprito, co que pode dialogar o noso corazón antigo e panteita. Elas son as que gardan e custodian, no seo da terra-nai, os legados múltiples da nosa tradición, os xerms incorruptibeis, da nosa futura hestoria, as fontes enxebres e purísimas do noso xenio racial. Esa moitedume de luciñas representa o pobo, que nunca nos traicionou, a enerxía coleitiva, que nunca perece, i en fín, a espranza celta, que nunca se cansa. Esa infínda moitedume de luciñas e vagalumes representa o que nós fomos, o que nós somos e o que nós seremos sempre, sempre, sempre.

Velahí o que eu quería dicir n-este Día de Galiza, en loubor da nosa Tradición, por riba da nosa Hestoria, a todo-los galegos que residen n-esta terra que para nós é a segunda patria. E nada máis, amigos e irmáns.

Que a fogueira do esprito siga quentando as vosas vidas e que a fogueira do lume nunca deixe de quentar os vosos fogares."


(CASTELAO, discurso "Alba de Groria" -  Bos Aires,  25 de xullo de 1948).

Participa nas comisións de traballo


Ven polo local e apuntate a unha das comisións de traballo do L.S Aturuxo. As comisións son grupos de traballo especializados en diferentes temas, cultura, memoria histórica, meio ambiente... 
A finalidade das comisións de traballo son, por unha banda,  a divulgación e recuperación de acontecementos e personaxes históricos, a denuncia do estado dos nosos rios, montes... recuperación de xogos tradicionais, da nosa música popular... Por outra, a creación de grupos de traballo estabeis e de convivio.
Se tes interese por participar en algunha das comisións contacta con nós e comeza a traballar xa.

As comisións son as seguintes:

Comisión do local
Comisión de cultura
Comisión de memoria histórica
Comisión de medio ambiente

quarta-feira, 27 de junho de 2012

Programación para as Festas de Boiro 2012



Programa das festas de Boiro 2012: Por unhas festas galegas e populares!

Venres 29: Pasa-rúas de Tabernas desde ás 22h na porta da Praza de Abastos: coa CHARANGA ATURUXO!

Sábado 30: Festa con BIGOTE MIX (Hevi Malandrómeda!)

Domingo 1: Cea + Concerto  THE LAKAZÁNS

Lúns 2: Día das Peñas: quedamos ás 11hh en Aturuxo, e imos tod@s xunt@s para a Praza de Galiza.

Martes 3: Curota Sound: apoiemos ás bandas locais!

Mércores 4: Gran festa-concerto con OS DA RÍA

quarta-feira, 20 de junho de 2012

Sardinhada no L.S Aturuxo



A próxima sexta-feira dia 22 de junho, o L.S Aturuxo organiza unha sardinhada amenizada con música galega. A festa dará começo às 21:00, à que tod@s estades invitados. Se queres degustar as melhores sardinhas da ria e dar-lhe a bem-vida ao verao passate polo local social e desfruta.




Mil primaveras máis para o L.S Aturuxo!


O L.S Aturuxo está atravesando unha etapa difícil. Desde fai uns meses vimos arrastrando unha situación económica bastante delicada, agrabada pola actuación da Guardia Civil e da Policia Local no noso 4º Aniversario. O Aturuxo caracterizouse dende o inicio da súa actividade por ser un local autoxestionado, formula que deu o seus froitos. A día de hoxe non temos que rendir contas a ninguén.  Mais a xestión de un local social non é sempre doada, hai que facerse cargo de innumerábeis gastos. Coa irrupción no noso aniversario das ‘’forzas de seguridade’’ o local social tivo que parar a súa actividade na noite do sabado, supoñendo isto importantes perdas para o local, a maiores de algunha que outra multa.
Por se esto non fose suficiente, todo o tempo que levamos intentando que a burocracia aloxada no Concello de Boiro non consiga o seu obxectivo de pechar o local social, tamén nos pasou unha grave factura nas finanzas do Aturuxo. O local social non puido traballar con normalidade e esto provocou un desaxuste grave nas contas do colectivo. 

quinta-feira, 14 de junho de 2012

Festas de Boiro 2012: Por unhas festas galegas e populares



Outro ano máis o L.S Aturuxo quere reivindicar unhas festas galegas e populares. Cremos que é preciso, máis que nunca, a necesidade dunhas festas realmente populares, onde a participación da veciñanza sexa un eixo fundamental e deixen de ser simples espectadores. Reivindicamos tamén que as festas sexan en galego, que a nosa música e cultura estén presentes e que sexan outra das protagonistas. Non se poden entender unhas festas populares sen estos dous elementos: a participación veciñal e a prensenza dos elementos culturais que nos definen como pobo,  porque na festa tamén se fai Pais.

domingo, 10 de junho de 2012

O C.S A Revolta sofre um ataque fascista


A assembleia de soci@s do L.S Aturuxo queremos expressar a nossa mais enérgica repulsa e a nossa solidariedade ante o ataque sofrido a passada madrugada ao C.S A Revolta do Berbês, situado no casco velho vigués, por parte de elementos da extrema-direita. Os fascistas rompérom a janela e deitárom líquido inflamável ao interior, prendendo-lhe lume e provocando um incêndio, que foi sufocado graças aos vizinhos, que alertárom a tempo do perigo. 

domingo, 27 de maio de 2012

Aturuxo non se pecha, a cultura non se pecha.



As socias e socios da Asociación Cultural Aturuxo queremos expoñer o seguinte:
1º A Asociación Cultural Aturuxo é un proxecto cuxos obxectivo son a dignificación e o espallamento da lingua e cultura galegas. Organizámonos para defender, denunciar e traballar polo que nós cremos xusto, ofrecendo un espazo para a libre expresión da mocidade e da veciñanza de Boiro e da comarca.
2º A A.C. Aturuxo leva máis de cinco anos traballando arreo. Dende fai catro anos xestionamos un espazo no que se organizan ducias de actividades ao ano, mantendo unha actividade constante durante todo este tempo.
3º A A.C Aturuxo é unha entidade sen ánimo de lucro, composta por veciñas e veciños do Concello de Boiro e da comarca. Organizámonos de forma asemblearia, tódalas decisións  son expostas e debatidas en asemblea, composta polas socias e socios da asociación.
O Local Social finánciase coas achegas das socias e socios, coa venda de material etc. O Concello de Boiro -e o resto de  administracións- non colaboran con axudas de ningún tipo para manter o funcionamento do Local Social.
5º O Concello de Boiro, gobernado polo PP, ten a obriga de non obstaculizar o desenvolvemento das nosas actividades, realizadas no Local Social ou na rúa. Xá denunciamos o pasado mes de novembro, coa realización do Magosto Popular na rúa, a nula vontade do concello de que as nosas actividades se realicen con normalidade, como viñamos facendo ate o momento, ao esixirnos unha fianza de 300€.
A simple obstaculización non é suficiente para o goberno local do PP. O concello esixenos agora, baixo o paraugas normativo, a ‘‘reposición da legalidade urbanística’’. Ou obtemos a licenza que eles queren ou pechan o Local Social. A licenza en cuestión é a de café-concerto, imposível de obter no noso concello, ao estar restrinxidas o número de licenzas deste tipo. Fica demostrado a ignorancia do PP ao indentificar directamente cultura con ‘’cafe-concerto’’ como única posibilidade de licenza para o Local Social.
Denunciamos o intento de peche do Local Social Aturuxo por parte do goberno do PP local e a hipocrisía que de esta situación se desprende. 
Esiximos ao Concello de Boiro que se retracte e deteña o que consideramos un ataque directo ao asociativismo cultural, á cultura e lingua galega. O intento de peche dun espazo cultural e autoxestionado é un desprezo evidente a tódalas persoas que traballamos gratuitamente pola nosa cultura e para toda a veciñanza de Boiro e da comarca do Barbanza. Non renunciaremos á mobilización social e á contestación na rúa como unha medida máis de presión para evitar o peche do Local Social Aturuxo.
Na Terra, 
A Asemblea Xeral do Local Social Aturuxo




sexta-feira, 25 de maio de 2012

Aturuxo non se pecha: Implícate!



O Concello de Boiro, gobernado polo PP,  inicia un expediente "urbanístico" coa intención de PECHAR O LOCAL SOCIAL ATURUXO. No expediente que nos remitiron concedensenos 15 días para recuperar a ''legalidade'', argumentando que fica demostrado que o local é un "cafe-concerto" polo que deberiamos  dispoñer dunha licenza destas características. Este proceso represivo ven derivado das actuacións da Garda Civil e Policia Local no sábado do noso 4º aniversario e dotadas de cobertura política por parte do PP de Boiro.


Mañá, 26 de maio,  convocamos unha asembleia de caracter extraordinario para as 20:00 da tarde. Nos próximos dias iremos aportando máis información, estade atent@s.


Entre tod@s podemos evitalo!
Aturuxo non se pecha!
A cultura non se pecha!

segunda-feira, 21 de maio de 2012

A II ediçom das Olimpiadas Populares Galegas celebrarám-se em Ponte Vea (Teu) os dias 16 e 17 de Junho de 2012 .


Abriu-se  até o dia 30 de Maio o praço de inscriçom para as equipas que queiram participar nas II OPG organizadas este ano na pequena vila de Ponte Vea situada na paróquia de Reis, concelho de Teu, na comarca de Compostela.
A Vila Olímpica deste ano estará dividida entre as instalaçons desportivas do C.F. Praínha a 800 metros da vila e na zona à beira do rio Ulha conhecida como A Burga. Durante os dias 16 e 17 de Junho, estas duas áreas acolherám as atletas e as distintas provas desportivas que configurarám o II encontro olímpico dos movimentos sociais galegos.
As participantes nas Olimpiadas disporám de duches, serviços, zona de acampamento e avitualhamento. A organizaçom oferecerá a comida e ceia do sábado e o almorço e jantar do domingo a preços populares.
A respeito das provas desportivas este ano houvo umhas poucas modificaçons que som as seguintes: A prova de lançamento de peso foi suprimida. Na prova rainha, o triatlo cámbia-se de 1500 a 2500 metros a distáncia a superar pola atleta, ficando em 200 metros a nataçom e 10000 metros a bicicleta. Incrementa-se a prova de tiro de corda por equipas, e a prova da chave com umha adaptaçom das normas tradicionais da comarca compostelana.

sábado, 14 de abril de 2012

Curso de Escultura

Recuperamos o curso de escultura alternativa impartido polo escultor boirense Tucho Abalo.


O obxectivo deste curso é o de favorecer o densenvolvemento creativo e a capacidade de elaboración dunha linguaxe escultórica alternativa, así como o de coñecer unha nova metodoloxía de traballo enmarcada na “escultura ecolóxica”.


A metodoloxía terá un carácter aberto, participativo e práctico, onde se poderá experimentar e desenvolver a creatividade individual e grupal.

domingo, 25 de março de 2012

Curso sobre a historia do independentismo galego


Coa colaboración das compañeiras e dos compañeiros da Escola Popular Galega, dedicaremos a tarde do sabado 14 de Abril a estudar a historia do independentismo galego. A área de historia da EPG prepara un pequeno seminario que repasará os feitos e procesos mais relevantes da historia do independentismo galego, destacando datos e feitos que por circunstancias diversas estiveron ocultas para o propio movemento, nalgúns casos, e para a opinión pública en xeral.

domingo, 11 de março de 2012

A muller na ciencia, Venres 16 de Marzo



Que participación tiveron as mulleres na construción da ciencia ao longo da historia?

Se lle preguntásemos as nosas veciñas e veciños, amigas ou familiares que cren que fixeron as mulleres na ciencia, probablemente a maioría contestaríanos que cren que fixeron pouco ou nada.

Por que a maioría das persoas teñen esta idea e non a contraria ou outra distinta? En que se basean?

sábado, 11 de fevereiro de 2012

IV Aniversario de Aturuxo: Catro Anos Criando Poder Popular


    O venres 9  e o Sabado 10 o local social Aturuxo celebra o seu cuarto aniversario baixo o lema ''Cuatro Anos Criando Poder Popular''.  Catro anos dinamizando o tecido asociativo e cultural do concello e da comarca, cumplindo ,dentro das nosas posibilidades, cos obxectivos que nos marcamos e nos fomos marcando ao longo de todo este tempo: dignificación e espallamento da lingua e cultura galegas, a libre expresión, o movemento e a loita social...

quinta-feira, 26 de janeiro de 2012

Alberte Montes: De Paliqueiro por Galiza


O Sabado 4 de Febreiro chega Alberte Montes, actor galego-catalá, ao Local Social Aturuxo para deleitarnos co espectáculo ''De Paliqueiro por Galiza'' a partir das 23:00.

quarta-feira, 4 de janeiro de 2012

Castelao: Memoria, dignidade e loita


O venres 6 de xaneiro o Local Social Aturuxo celebra o LXII Cabodado de Alfonso D. R. Castelao, un día de memoria para recuperar a nosa dignidade colectiva e a nosa memoria histórica, un día de loita.