O blog de Aturuxo

IV Aniversario de Aturuxo: Catro Anos Criando Poder Popular

2012-02-11T05:45:00.000-08:00

O venres 9 e o Sabado 10 o local social Aturuxo celebra o seu cuarto aniversario baixo o lema ''Cuatro Anos Criando Poder Popular''. Catro anos dinamizando o tecido asociativo e cultural do concello e da comarca, cumplindo ,dentro das nosas posibilidades, cos obxectivos que nos marcamos e nos fomos marcando ao longo de todo este tempo: dignificación e espallamento da lingua e cultura galegas, a libre expresión, o movemento e a loita social...

Nestes catro anos fomentamos unha mocidade e unha sociedade crítica, que saiba do mundo e do país, que comparta e que se sinta integrada. O logro do capitalismo é deixarnos solas entre a masa de xente. Por tanto tentamos ser unha alternativa, opoñéndonos ao consumismo como pseudofelicidade buscando formarnos en valores de esquerda, de feminismo, de ecoloxismo, dende unha perspectiva nacional, en defensa da cultura galega e do pobo traballador galego.

Queremos seguir tendo un local dende onde berrar para espertar á comarca, ser un proxecto que medre, que non se feche entre catro paredes, senón que recorra o monte, protexéndoo dos lumes especuladores, que atravese a ría defendéndoa de criminais, que se meta nas casas chamando á veciñanza toda á resistencia, a erguerse contra a perda da nosa identidade e a destrución da nosa terra. Que berren as mulleres contra o patriarcado asasino, que loiten as mozas/os cara a cara coa precariedade, e que non teña que marchar máis ninguén, non queremos máis diáspora. E que se escoite por todo o país o Aturuxo do Barbanza.

10, 100, 1000 Centros Sociais!

PROGRAMACIÓN:

Venres 9 DE MARZO:

ás 20hh Charla: o traballo dos centros sociais
ás 21.30 Petiscos e Pinchada Rebelde

ás 00.30 Mighty Calacas na Pousada das Animas/ESE

------------------- -----------------------------

Sabado 10 DE MARZO:

ás 13hh. de tabernas ,c@s gaiteri@s.

ás 15hh Xantar popular en Aturuxo. 10€

ás 22hh concerto de DIOS KE TE CREW. 5€ (socias e socios gratis)

ás 00hh IVAN DZ

Alberte Montes: De Paliqueiro por Galiza

2012-01-26T10:11:00.000-08:00

O Sabado 4 de Febreiro chega Alberte Montes, actor galego-catalá, ao Local Social Aturuxo para deleitarnos co espectáculo ''De Paliqueiro por Galiza'' a partir das 23:00.

http://vimeo.com/34921317

Castelao: Memoria, dignidade e loita

2012-01-04T13:04:00.000-08:00

O venres 6 de xaneiroo Local Social Aturuxo celebra o LXIICabodado de Alfonso D. R. Castelao, un día de memoria para recuperar a nosadignidade colectiva e a nosa memoria histórica, un día de loita.

Programación:

19:00 - Ofrenda Floral, no busto de Castelao en Rianxo. (saída dende o local ás 18:30)

21:30 - Cea, Pandereteiras (Xoaniñas) e sesión de música galega.

Roteiro Arqueolóxico pola Serra do Barbanza

2011-12-25T08:44:00.000-08:00

O mércores día 4 de xaneiro o L.S organiza o Roteiro Arqueolóxico pola Serra do Barbanza, a saída terá lugar dende o local ás 9:30 da mañán, cunha duración aproximada de 5 horas e de dificultade moderada.

Lugares de interese:

Petroglifo da Miserela

Localízase a 60 metros ao sur da ponte que dá acceso ao eremitorio de San Xoán da Miserela. Está esculpido nunha pedra granítica de pequenas dimensións situada no bordo do camiño empedrado polo que se accede ao mosteiro. Os motivos representados son dúas cruces latinas de base triangular e unha terceira con base circular. Debemos apuntar a existencia dun segundo afloramento, localizado 60 cm ao sur do anterior onde se aprecian surcos gravados de difícil interpretación.

Eremitorio de San Xoán de Lesón (A Miserela)

Restos dun convento franciscano fundado preto de 1392 por Frei Gonzalo Mariño nas estribacións meridionais da Serra da Barbanza, situado no interfluvio entre os ríos Pedras e Barbanza. Actualmente consérvanse unha serie de plataformas nas que se poden apreciar os cimentos de diversas estruturas edificatorias. O conxunto compleméntase cun sistema de canalizacións que conducen a auga desde a beira do río, unha calzada empedrada e unha ponte de factura medieval.

Mámoa do Alto dás Brañas

Localízase no centro dunha plataforma orientada ao NE situada nas estribacións nororientales do Alta dás Brañas. O xacemento é un enterramento tumular de época neolítica que presenta unhas dimensións relativamente reducidas (6x5 metros de diámetro por 0.5 metros de altura máxima). En superficie pódense apreciar dous ortostatos graníticos (restos dunha cámara funeraria) desprazados da súa posición orixinal.

A Corte do Santo

Restos arquitectónicos dun posible eremitorio medieval localizados sobre un espolón que domina un meandro do curso alto do río Barbanza. Actualmente os vestixios áchanse recubertos da vexetación autóctona da zona e son difíciles de apreciar na súa totalidade pero a beleza da contorna e as súas marabillosas vistas sobres o curso do río fannos recomendar esta visita.

Mámoa do Campo da Estivada

Enterramento tumular de época neolítica localizado ao bordo dun antigo camiño tradicional que comunicaba as terras da parroquia de Posmarcos cos altos da Serra de Barbanza e a beira meridional da ría de Noia. O xacemento alcanza unhas dimensións duns 17 metros de diámetro por unha altura máxima de 0.75 metros . En superficie pódese apreciar a presenza dunha serie de pequenas pedras sobre o túmulo, formando un tipo de estrutura arquitectónica que recibe o nome de ''coraza de recubrimiento''.

O Pomar

Xa de regreso, na cabeceira do val de Posmarcos poderemos visitar o xacemento altomedieval de O Pomar. Atopámonos neste caso ante a presenza de dous sepulcros antropomorfos escavados na roca natural da ladeira do monte, moi próximos á aldea de Vilas.

Consellos e recomendacións:

A roupa

As características básicas desexáveis do material de montaña son a lixeireza, o abrigo e que sequen moi rápido. Neste tipo de materiais incluimos: O forro polar, a licra ou a roupa sintética. Porén, recoméndase excluir do material de montaña, por exemplo, as pezas de algodón, os sueters de là, e as calzas de pana.A primeira capa de roupa, a que toca a pel há de ser sintética (recoméndase non utilizar pezas de algodón porque conservan a humidade e tardan moito en secar); esta primeira capa ten como obxectivo evacuar a transpiración. A segunda capa recoméndase que sexa de forro polar, xoga o rol de isolante térmico. A terceira capa, ten de ser protectora, lixeira e resistente; protexe do ralente, da neve e da chuvia. Esta última capa pode ser un anorak ou calquer tipo de, sobretodo, impermeável. Sempre con caperuza.

O calzado

As botas terán que ser todoterreo, semiríxidas e antideslizantes. Que cubran ata o nocello para evitar escordaduras. Impermeáveis e transpirantes. Lixeiras ao mesmo que resistentes ao desgaste.

A mochila

As boas mochilas de montaña sempre teñen feche acolchado para o peito e para a cintura. Un adulto non deberá portear máis do 20% ou do 30% do seu peso corporal. De 35 a 55 litros para as saídas de dous días e de mais de 55 litros para as rutas de mais de tres.

A comida

Para a comida, vai ao sinxelo e á sabedoria popular: non caias en consumismos absurdos de comida de montaña preelavorada. Refuga todos os 'novos inventos' que che ofrecen, e procura consumir produtos cercanos ao teu lugar de residencia, dos que saibas a orixen (mellor ainda se coñeces o produtor). Unha mínima cultura alimentar tamén fará mais levadeiras as túas marchas mais duras.Os principios básicos son a variedade e a regulariedade: os cereais (son ricos en hidratos de carbono e deben incluirse en todas as comidas, estes teñen que ser cando menos o 50% da tua dieta.); deben de consumirse tamén a diário froitas, legumes, verduras e hortalizas. Lembra que o consumo de líquidos nos roteiros é superior ao habitual (3 litros diários) debido ao exercício físico.

fonte: http://www.apobra.com/rutas, http://aguaslimpas.blogspot.com

Mostra de Curtametraxes

2011-12-12T13:10:00.000-08:00

A mostra comezará o xoves 29 de Decembro e continuará o venres 30 a partir das 21:00. Quere por en relevo a producción galega no eido audiovisual, neste caso a través de diferentes curtametraxes.

Na Galiza existen centos de criadoras e criadores que carecen de medios e espazos para a difusión da súa obra. Ao mesmo tempo tirán ao lixo miles de millóns de euros en proxectos supostamente culturais como a Cidade da ‘’Cultura’’, espazo vacío que pretenden encher espoliando a cultura do país para encerrala nunha cidade sen vida.

Con esta Mostra de Curtametraxes queremos por o noso gran de area facilitanto un espazo onde poder desfrutar do noso audiovisual, que é moito e de moi boa calidade.

- O Cheque - Dirección de Estevo Silva (Dur. 25 min Ano 2008)

- Es hora - Dirección de Toño Chouza voz en off Carolina Villafruela, fotografía Gema Briones, música Ethan Roses. Selección finalista Notodofilmfest. (Dur. 4 min Ano 2010)

- A consulta do Doutor Natalio - Javi Camino, proxectada fóra de concurso no Curtocircuíto (Santiago de Compostela 2004). Seleccionada nos Festivais de Sitges 2004 (sec. Brigadoon), no Festival Horror Independent Horror Fiesta (Barsowia, Polonia 2004) e no Festival Fusiónica 6.0 (Vallés Oriental, Barcelona 2004). Finalista no Festival CineCulpable 2004 (Castellón). (Dur.12 min. Ano 2004)
- Bird Boy - Unha curtametraxe de animación dirirido por Alberto Vázquez e Pedro Rivero.Baseado en "Psiconautas", unha banda deseñada de Alberto Vázquez. (Dur. 12 min Ano 2010)
- Instalación -Unha curtametraxe de Canle 4 (Ciclo de Produción de Audiovisuais, Radio e Espectáculos do CIFP A Farixa) con dirección de José Díaz e guión de Jacobo Paz, José Díaz e Antón Coucheiro (Dur.14min. Ano 2010)

+ Curtametraxes por confirmar.

O 23 de Dezembro Partido da Selecçom Galega em Cacheiras

2011-11-27T04:15:00.000-08:00

Mais um ano chega Dezembro sem nengumha intençom por parte do Governo da Junta da Galiza nem da Federaçom Galega de Futebol de organizar o tradicional jogo da Selecçom Galega. Mais também, mais um ano o povo resposta a este gesto de indiferença cara o nosso desporto.

Seremos nós, @s Siareir@s Galeg@s quem levemos a Galiza ao terreno de jogo, numha jornada de actividades que vai tomando continuidade ano após ano e que esperamos que se reforce com o apoio popular que a Irmandinha se merece.

A cita será o 23 de Dezembro em Cacheiras (concelho de Teu), coincidindo amais, com o XV aniversário de Siareir@s Galeg@s. Por isso depois de quinze anos de actividade sem trégua a prol das selecçons nacionais, queremos que esta jornada serva também para mostrar que o povo galego continua em luita e que seguiremos trabalhando na nossa linha os anos que faga falha. Queremos deixar claro que esta nom é umha data simbólica, se nom que é um dia de reivincaçom polos dereitos de Galiza a competir como país.

Como o ano passado, Galiza voltará a enfrentar-se a um povo irmão, neste caso à RASD (República Árabe Saaraui Democrática). Teremos entom, a parte da festa do futebol, umha oportunidade para conhecer o povo saaraui, a sua cultura e a luita que no dia-a-dia levam a cabo polos seus dereitos como naçom. Por isto, na organizaçom do evento contaremos com a colaboraçom de Solidariedade Galega co Pobo Saharahui.

Tendo em conta que por primeira vez o encontro leva-se a cabo fora dumha das cidades galegas, a organizaçom contará com um autocarro que realizará de forma continuada o trajecto desde Praça Galiza (Compostela) até Cacheiras e vice-versa, podendo assim prescindir do carro para desprazar-se.

Convocamos assim, mais um ano a assistir ao encontro da Irmandinha o 23 de Dezembro em Cacheiras e ao resto de actividades que levaremos a cabo.

ACTIVIDADES:

Durante a tarde, a partires das 16:00hh. haverá um aberto de bilharda da autêntica, luita galega, umha carpa DJ e um espaço Saaraui com diferentes actividades.

MANIFESTAÇOM:

As 19:00hh. sairá a manifestaçom nacional do campo de futebol de Cacheiras, baixo a legenda: “Siareir@s Galeg@s, XV anos luitando polas selecçons nacionais!”.

JOGO:

Às 20:30 no campo de futebol de Cacheiras dará começo o jogo no que Galiza se enfrentará à RASD. A equipa galega estará conformada por jogadoras e jogadores de diferentes categorias baixo a direcçom de Pilar Neira. Nos vindeiros dias confirmaremos os nomes das jogadoras e jogadores convocad@s e que defenderám as nossas cores.

CONCERTO:

Para finalizar a jornada organizaremos um concerto no Campo da Festa de Cacheiras. Contaremos com a actuaçom 4 grupos: Invivo (Metal-Cru, Compostela), Contra as Cordas (Hardcore, Ourense), Bastards on Parade (Punk-folk, A Corunha) e Opció K-95 (Punk-Oi!, Barcelona – Països Catalans).

UMHA NAÇOM, UMHA SELECÇOM!

http://siareirasgalegas.blogaliza.org/

Regateando as prohibicións, sabado 26 Magosto Popular

2011-11-21T02:04:00.000-08:00

A asociación cultural Aturuxo non renuncia a facer o Magosto. Despois de que o goberno municipal do PP boirense nos impuxese o pago de unha fianza de 300 euros, privatizando de feito un espazo público e conculcando direitos tan básicos como o direito de reunión. Decidimos celebralo no IES Praia de Barraña o vindeiro sabado a partir das 17:30, invitando a todas as veciñas e veciños a participar.

Reiteramos que unha festa popular non pode ser negada de ningunha maneira, as boirensas e os boirenses temos dereito a festexar as nosas festas tradicionais, e o concello ten a obriga de non impedilo,nen con prohibicións, nen con imposicións, esixindo o pago de 300 euros e alegando que asi garanten o ''bo uso'' dos espazos públicos.

As asociacións culturais, deportivas, de veciños... somos entidades sen ánimo de lucro e que ao longo do ano desenrolamos centos de actividades desinteresadamente, ampliando e moitas veces superando a propia actividade cultural do concello. Por iso cremos que este tipo de medidas o único que fan e obstaculizar, e neste caso impedir, o desenrolo de calquera actividade cultural na rúa.

Non van conseguir frear o traballo do asociativismo boirense mediante censuras e impedimentos. Nós seguiremos traballando arreo pola promoción e dignificación da nosa cultura e lingua, das nosas festas e das nosas costumes.

Asamblea Xeral do Local Social Aturuxo

O GOBERNO DO PP BOIRENSE IMPIDE MAGOSTO POPULAR.

2011-11-05T14:03:00.000-07:00

O goberno do PP vén de esixir a Asociación Cultural Aturuxo o pago de 300 euros “de fianza” pola realización do Magosto Popular, que a asociación leva celebrando 4 anos consecutivos na praciña anexa ao centro social de Boiro. Despois de solicitar formalmente o uso da praza no rexistro municipal, sen ter comunicación oficial, e por vías informais comunícasenos que é preciso facer o ingreso do importe citado, caso contrario, non se nos permitira o uso de dito espazo. Ao ser solicitadas explicacións pola nosa parte, desde o concello comunican que será a partir de agora a política municipal ao respecto do uso de bens comúns, pedindo unha fianza diante de calquer actividade na rúa, o cal é unha privatización de feito do espazo público.

Entendendo que unha festa popular tan arraigada dende fai séculos no noso pobo debería de contar, canto menos, coa concordancia do concello, sorpréndenos a actitude do PP de Boiro esixindo o pago ''dunha fianza'' de 300 euros, conculcando direitos tan básicos como o direito de reunión. Marca tamén as pautas do que vai a ser a dinámica do PP en relación ás asociacións ou outras entidades sen ánimo de lucro, esixindo cantidades económicas abusivas e inaceptables para facer uso de bens comúns (rúas, prazas, etc)

Hoxe o goberno do PP dificulta e impide non só a celebración do Magosto senón tamén o desenrolo das actividades da nosa asociación. Entendemos pois, que o PP de Boiro, capitaneado polo señor Dieste, non quere o asociativismo boirense na rúa, demostrando que entenden a xestión dos bens públicos dun xeito prohibitivo, privatizando pola vÍa dos feitos as prazas e rúas da nosa vila.

Queremos afirmar que non van conseguir frear o traballo do asociativismo boirense mediante censuras e impedimentos. Nós seguiremos traballando arreo pola promoción e dignificación da nosa cultura e lingua, das nosas festas e das nosas costumes.

A rúa é de todas e todos.

Asamblea Xeral do Local Social Aturuxo

Festa Concerto en apoio ao Local Social Aturuxo

2011-10-25T06:16:00.000-07:00

O próximo venres dia 28 ás 22:00 dará comezo no Aturuxo a primeira festa concerto en apoio ao traballo feito polo Local Social Aturuxo durante máis de tres anos, traballo autoxestionado, dende abaixo, pola normalización da nosa lingua, da nosa cultura...

Um proxecto que non sería posíbel levar adiante sen a axuda desinteresada por parte de ducias de rapazas e rapazes ( e non tan novos) do concello e a comarca.

As bandas que nos acampañaran esa noite son todas do concello, facendo posíbel esta festa concerto.

Agoraphobia
The Feeling Band
The Little Jump Band

Que non falte ninguén!

MAGOSTO POPULAR O VINDEIRO 5 DE NOVEMBRO

2011-10-18T14:36:00.000-07:00

O próximo 5 de novembro, Aturuxo celebra o magosto na praza que no centro social de Boiro. A partir das 18:00 teremos degistación de castañas e chourizos asados e actividades como xogos populares e baile tradicional.

Presentación da novela LUME DE COBIZA, de Miguel Anxo Fernandez

2011-09-20T07:30:00.000-07:00

Presentación da novela LUME DE COBIZA, de Miguel Anxo Fernandez, que terá lugar o vindeiro sábado 24 de Setembro as 20.00 no local social Aturuxo (r/Principal nº118 Boiro), teremos un interesante debate arredor da produccion literaria e do mundo do cinema na Galiza, ao remate teremos uns pinchos.

Adiante o Soberanismo: Día da Patria 2011

2011-07-13T09:40:00.000-07:00

Programación:

- Dia 23 (Sabado): Desenvolverase na praza da Oliveira desde as 16.30 horas dúas mesas de debate abertas á participación. Na primeira delas, activistas de diversos centros sociais da Galiza dialogarán arredor das súas experiencias neste modelo de auto-organización. Logo, miltantes da esquerda doutros países analizarán o contexto internacional, con especial atención posta na situación nos países árabes.

- Dia 25 (Luns): A manifestación nacional convocada polo organismo soberanista arrancará ás 12:30 horas da Alameda de Compostela, e rematará nun acto político na Praza do Toral, cunha arenga e a leitura do manifesto elaborado para a campaña. Xa desde o mediodía celebrarase no Parque de Fermín Bouza Brei unha Romaría Popular, que contará ao longo da tarde con dúas sesións de discusión sobre política municipal. Na primeira delas, representantes de candidaturas soberanistas apresentadas nos concellos galegos nas pasadas eleccións municipais, porán en común as expectativas abertas desde ese momento. A posteriori, o debate trasladarase ás experiencias en política municipal noutras nacións no estado español, coa presenza das Candidatures d'Unitat Popular (CUP) e máis da Esquerda Abertzale. Nesta mesma xornada, haberá outras actividades ao longo da tarde como a presentación do libro 'Um dia na minha vida' de Bobby Sands e traducido por Patricia A. Janeiro ou 'A revolución dos camaleóns', do escritor comunista cubano Eddy E. Jiménez

Manifesto:

Un ano máis, a iniciativa Causa Galiza sae á rúa para facer visíbel que no noso País existe unha masa crítica soberanista, un conxunto de individualidades e de colectividades que non acredita nen no actual marco xurídico-político nen no sistema socio-económico que o sustenta.
Este polo de resistencia pode ser pequeno, pode parecer feble, pero conta coa inquebrantábel vontade de permanecer e medrar, de non se doblegar, de continuar a criar comunidade nacional, de proseguir na articulación de ferramentas de autoorganización que traian máis Pobo e máis conciencia. Eis a nosa fortaleza, eis a garantía de supervivencia de Galiza como Nación: unha parte do Pobo non renunciará xamáis a exercer a súa nacionalidade e ademáis loitará polo exercicio dos dereitos políticos que nos corresponden.
Que a falta de soberanía está no cerne dos problemas sociais e económicos que asolagan ao Pobo Traballador Galego é unha evidencia palpábel e particularmente visíbel neste intre no que, de costas aos pobos, os gobernos dos Estados e da UE, están a acometer reformas sobre as relacións laborais, os mercados, os salarios, etc.
Que a soberanía real abarca moito máis do que a consecución dun Estado propio é outra realidade para nós evidente, agora que asistimos á claudicación dos Estados-títere face as directrices de organismos como o Fundo Monetario Internacional, que furtando a soberanía dos Pobos toman nas súas mans os destinos de millóns de traballadoras no mundo. Aspetos fundamentais para un pobo como poden ser o control, produción e distribución de alimentos -Soberanía Alimentar- e o control, distribución e produción de enerxía -Soberanía Enerxética- négansenos sistematicamente.
Que a burguesía internacional e a española e os seus axentes en particular, casta parasitaria e reaccionaria acostumada a vivir a conta dos fondos públicos, precisa perpetuar a súa opresión sobre a Galiza e as outras nacións oprimidas do Estado – sacralizada na Constitución Española de 1978 - , para continuar a expoliar os nosos recursos, para apropiarse dos recursos públicos e para incrementar a sobreexplotación das clases traballadoras, resulta unha terceira evidencia que se traduce na teimosa fobia que expresan face a calquera movemento de avanzo dos movementos nacionalistas, face a calquer paso en firme cara á plasmación prática do dereito a decidir.
Estas son as tres permisas a partir das cais CAUSA GALIZA recalca, novamente, que a socialización do dereito de autodeterminación non é apenas a reivindicación en abstracto da aplicación dun dereito democrático básico, senón a aposta política, firme e contundente, de por enriba da mesa, como unha cuestión fundamental e irrenunciábel, o eixe vertebrador para calquera transformación de fondo, para calquera cambio nas estruturas políticas e económicas que redunde na mellora das condicións de existencia dunha maioría social, o Pobo Traballador Galego, sobre cuxas costas pretenden refundar o seu Capitalismo, e sobre o que a burguesía española pretende recuperar as súas marxes de beneficio. Unha vella consigna máis vixente que nunca: A SOLUCIÓN: AUTODETERMINACIÓN.
Causa Galiza non acredita en discursos derrotistas verbo da capacidade do Pobo Galego para loitar e avnzar. Moito menos en “discursos rebaixados” para autoxustificar o sometemento ao marco xurídico-político español e ao sistema económico capitalista baseadas na suposta incomprensión popular diante dun discurso soberanista. Ninguén pode entender o que non se explica, ninguén pode apoiar un programa que non se presenta.
Nós, como CASTELAO, temos fe no noso Pobo, porque o noso Pobo, non xa historicamente, senón agora mesmo, ao longo deste último ano, ten dado sobradas mostras de combatividade e coraxe, nas folgas xerais, nos conflitos en defensa do territorio e sobre todo demostra que, nas peores condicións posíbeis, mantén viva a identidade nacional face ao asimilacionismo españolista.
España e o Capital, as dúas caras da mesma moeda, non teñen para nos ofrecer outra cousa que miseria, humillación e destrución e estas receitas están na base mesma da súa estrutura, non poden funcionar doutro xeito. Agora menos do que nunca, non poden facer nengunha concesión, non poden dar nengunha tregua, están loitando por sobreviver a costa de redobrar o seu carácter represivo e antipopopular.
Desde CAUSA GALIZA apostamos por acumular forzas en torno á reivindicación soberanista, que non é outra cousa que o dereito desta Nación asoballada e aldraxada, desta PATRIA de operarias mortas no traballo, de labregas caídas na emigración, de homes e mulleres que sufren longo unha historia contada noutra lingua, a tomar o ceo por asalto, a TOMAR NAS NOSAS MANS O NOSO PROPIO DESTINO e construir, con materiais eternos, unha terra sen amos, unha Galiza Ceibe e verdadeiramente popular.

O futuro é noso.

Viva Galiza Ceibe e Popular!

Festas de Boiro 2011. POR UNHAS FESTAS GALEGAS E POPULARES!

2011-06-27T04:47:00.000-07:00

Estamos a menos dunha semana doutra edición das festas de Boiro. Este ano, en especial, precisamos a colaboración de tod@s @ soci@s de aturuxo, faise indispensable o traballo colectivo para levar adiante todas as actividades que temos previstas. Hoxe (sabado) e o mercores 29 e xoves 30 o local estara aberto desde as 20hh para que poidades vir mercar o bono das tabernas.

Recordade reservar a vosa camiseta para a peña de aturuxo que tera un prezo de 5€!!

PROGRAMACION DAS FESTAS 2011:

Venres 1 de Xullo:desde as 22h imos de tabernas con TROPICO DE GRELOS + ALGHARABIA, saida desde a a rua peonil á altura do Marcado de Abastos, esta a vende en aturuxo un bono de 10€ que dá dereito a 9 consumicións (cervexa/refresco)

Sábado 2 de Xullo:desde as 23hh concerto en aturuxo con: Chotokoeu e La Akustikasesina en aturuxo!

Domingo 3 de Xullo:desde ás 20hh na Mostra das Culturas (Parque da Cachada): La kinky Beat
desde as 00hh en Aturuxo: Little Jump Band e Ataque Escampe (presentando o novo disco)

Luns 4 de Xullo:dias das peñas, apuntate á peña de aturuxo! (5€ para cubrir os gastos da camisola!!) Lema da camisola: Por unhas festas galegas e populares! Apuntate a nosa peña na barra de aturuxo!

Martes 5 de Xullo:foliada + churrascada/mexilloada en aturuxo, trae o teu instrumento! Alegraranos a noite @s fenomenos de Algharabia e as Xoaninhas!

Mercores 6 de Xullo:

desde as 23hh fin de festas en aturuxo, con ESQUIOS + actuación sorpresa!

PASADE A VISITARNOS POLO NOSO POSTO/BARRA NA MOSTRA DAS CULTURAS!

POR UN FESTAS GALEGAS E POPULARES!!!

Cea e debate sobre decrescimento o venres ás 8 e media

2011-06-20T13:20:00.000-07:00

Graças à colaboraçom das companheiras e companheiros da Escola Popular Galega, traemos o debate sobre o decrescimento à comarca do Barbança.

Será na vindoura sexta feira 24 de Junho, a partir das 20h30, no local de Aturuxo. Participarám Manuel Casal Lodeiro, representando o colectivo 'Véspera de Nada', Vítor Batalháns, do Ateneu Proletário Galego, e um representante da própria EPG. Com o título 'Alternativa revolucionária ou escapismo?' analisarám-se potenciais e carências da proposta decrescentista.

Haberá umha ceia para as pessoas participantes.

ANÓTATE NA UNIVERSIDADE POPULAR DE VERÁN

2011-06-01T06:13:00.000-07:00

Curso de Escultura Alternativa, impartido polo escultor Tucho Abalo

2011-06-01T06:09:00.000-07:00

Este sábado 4 de Xuño ás 11hh dará comezo o curso de escultura alternativa impartido polo escultor Boirense Tucho Abalo, no local da asociación aturuxo. Todas persoas interesadas en participar que se presenten ás 11hh en aturuxo (r/principal nº118 Boiro) para máis informacion chamar ao: 666 278 753

Datos do curso:

día de comezo: 4 de xuño

horario: de 11hh a 13hh os sabados

Horas minimas do curso: 10h

Prezo: 30€

O obxectivo deste curso é o de favorecer o densenvolvemento creativo e a capacidade de elaboración dunha linguaxe escultórica alternativa, así como o de coñecer unha nova metodoloxía de traballo enmarcada na “escultura ecolóxica”.
A metodoloxía terá un carácter aberto, participativo e práctico, onde se poderá experimentar e desenvolver a creatividade individual e grupal.
A actividade principal será a de elaboración dunha obra escultórica propia partindo de materiais recollidos directamente do lixo que á nosa natureza sofre .
Partes do curso:
- Modelado en barro dun deseño individual realizado por cada alumno ou alumna.
- Execución do molde en escaiola.
- Recollida de lixo en rios e praias da nosa zona.
- Limpeza e transformación do material recollido.
- Positivado final e pulido.

Como actividade final realizarase unha exposición colectiva chea de música en directo onde cada participante contribuirá cunha obra de propia elaboración.

Día das Letras Galegas 2011, Lois Pereiro

2011-05-06T00:49:00.000-07:00

Lois Pereiro, poeta e jornalista

(1958, Monforte de Lemos - 1996, A Corunha)

A imagem de Lois Pereiro é reflexo da sua atitude fronte a vida: esgaçada, crua e espida coma os seus versos. Estes elementos determinarom o mito marginal e cosmopolita que o poeta personifica. A autodestrucçom, a desolaçom, a morte, som os temas predominantes na sua poesia. Da aniquilaçom á nostalgia foi o caminho literário que andou, deixando umha pegada cada vez mais funda em leitores cada vez mais novos.

Lois Pereiro nasce em Monforte em 1958. Realiza estudos de traducçom em Madrid, cidade á que marcharia com o seu irmão Xosé Manuel com só dezassete anos. La mantem-se economicamente vertendo ao castelhano filmes e series para a televisom.

Porém em Madrid vai estar vencelhado, por amizade e por projectos comúns, ao grupo que formava com Manolo Rivas, Antón Patiño ou Xavier Seoane. Com o esforço de todos, nasceram as publicaçons de pulo inovador, e agora já míticas, Loia ou Luces de Galiza.

Porém, os riscos assumidos na vida madrilenha de começos dos oitenta fijerom que Lois determina-se o seu regresso á Corunha, onde se mantenham os nexos com aqueles que constituíam o grupo de Madrid, e, de novo cá, viverá fundamentalmente do jornalismo. Isso sim, no eido poético participa na publicaçom colectiva De amor e desamor e integrara-se, durante 1984 e 1985, no colectivo de mesmo nome. Este feito permite que o público comece a conhecer a sua obra e a valore com comparência.

Ganha o Concurso Nacional de Poesia O Facho: todas as suas criaçons poéticas, espalhadas em antologias ou publicaçons colectivas, reúnem-se em Poemas. 1981/1991, em 1992. O seu primeiro libro publicado reflite já umha tendência etiquetada como punk, mui presente na sua vida. As razons para esta clasificaçom som, a saber, unha atitude certamente existencialista, de sarcasmo esmagador e corrosivo, um jogo de chiscadelas á autodestruçom e á morte. No entanto, as suas influencias semelham bem sofisticadas. Prioritariamente chegam-lhe do centro de Europa, do expressionismo austro-alemam, de Thomas Bernhard, Peter Handke ou de Carver. Mas nom há que esquecer que Valente é referente fundamental nos seus primeiros passos: ao seu abeiro nasce como poeta.

En 1995 aparece a Poesia última de amor e enfermidade. Com só dous livros publicados já define um estilo literário curto e tenso, qualificado como de economia expressiva: nom se excede em recursos formais, emprega abundantemente o estabelecimento dicotómico de realidades elementares (amor/desamor, vida/morte). Neste derradeiro libro, em vida, de Lois, que foi reeditado nos últimos tempos, atopa-se um novo jeito de entender a existência: para aprende-la em profundidade é preciso ter consciência da morte. Isto pode ter unha interpretaçom vitalista que encaixaria com a rígida etiqueta de poeta maldito, ao entender que esta postura fronte á vida nasce da sua mesma experiência, que se mergulha na linha que a separa da morte.

Lois Pereiro morre pouco depois, em 1996. Nesse ano do seu passamento, o seu irmão, Xosé Manuel, faz que saia á luz Poemas para unha Loia, constituído a partir de composiçons da época madrilenha, já publicadas naquela revista Loia, e dum ensaio: "Modesta proposiçom para renunciar a fazer girar a roda hidráulica dumha cíclica historia universal da infamia". Em ele expom moitas das suas ideias e convicçons sociais e políticas, oferecendo umha panorâmica que inclui unha cheia de referencias directas a escritores, filósofos ou políticos dos que bebe.

Ademais, deixou oito capítulos dumha novela inacabada, Náufragos do paradiso, publicados naquela revista que fora dirigida por Manolo Rivas, Luces de Galiza.

Mas Lois Pereiro também lhe pusera letras ás melodias do grupo punk Radio Océano, que o seu irmão liderava. Porque o esforço de Lois estivo canalizado cara á contracultura, na que militaba com veemência. E assim, as suas verbas também se debulham em fanzines ou em escolhidos guions.

Paginas da Revista Loia con pemas de Lois Pereiro

7 DE MAIO, ASEMBLEA XERAL. PON AO DÍA AS TÚAS COTAS

2011-04-29T04:25:00.000-07:00

O vindeiro 7 de maio, ás 8 da tarde no noso local, teremos a próxima asemblea xeral de soci@s. É imprecindíbel que asistas e participes. É preciso que poñas ao día as túas cotas.

NON DEIXES QUE PRIVATICEN A NOSA AUGA!

2011-04-12T13:51:00.000-07:00

O venres 6 de maio Aturuxo organiza, en colaboración co Sindicato Labrego Galego, unha charla sobre a Lei de Augas de Galiza. Infórmate como che afecta. Mobilízate. Non deixes que privaticen a nosa auga.

O 18 de novembro o pleno do Parlamento Galego aprobaba a Lei de Augas, que o 26 de novembro saía publicada no Diario Oficial de Galiza. Se ninguén fai nadapor impedilo antes de que esta lei entre en vigor, o ente público Augas de Galicia pasará a estar xestionado por mans privadas, e poderannos cobrar un novo imposto pola auga, a maiores do que xa pagamos polo subministro quen o temos. Así, o Goberno de Feijóo vai facer de Galiza o único país en Europa que cede a súa auga, a nosa auga, a empresas privadas.

Máis información na Fouce.

Olimpiadas Populares Galegas

2011-04-01T01:13:00.000-07:00

Os días 21 e 22 de maio celebraranse en Ribadavia as primeiras Olimpiadas Populares Galegas, e dende Aturuxo, queremos formar un equipo para participarmos. Para participar é necesario ser soci@ dalgún centro social.

En qué consisten as OPG?

É umha iniciativa social e desportiva que pretende juntar os movimentos sociais do nosso país num fim de semana de convívio, jogo e desporto. Associaçons, organizaçons, colectivos.... preparai já as vossas equipas! A data limite para se inscrever nesta primeira Ediçom é o 1 de Maio.

Como se participa nas Olimpiadas Populares?

As Olimpiadas Populares Galegas estám dirigidas a todas aqueles Centros Sociais, associaçons populares e organizaçons sociais da Galiza que desejem participar. As inscriçons realizarám-se até o 1 de Maio, via correio electrónico ao endereço olimpiadaspopularesgalegas at gmail.com, através do formulário que pode descargar-se desde esta página. Para umha associaçom participar nas Olimpiadas nom é necessário que apresente atletas e/ou equipas a todas as provas. Umha mesma atleta nom poderá competir na mesma ediçom das Olimpiadas representando a duas associaçons diferentes.

Que provas há nas Olimpiadas Populares?

As provas nas que competirám as equipas participantes na ediçom de 2011 das Olimpiadas Populares Galegas som:

- 100 metros lisos
- 5000 metros lisos
- 4x100 (relevos)
- lançamento de sacho
- lançamento de peso
- salto de longitude
- pentasalto
- luita galega
- bilharda
- brilé
- voleibol
- tiro com fisga
- triatlom por relevos

Nas provas de 100 m, 5000 m, lnçamento de sacho, lançamento de peso e salto declarará-se um ganhador masculino e umha ganhadora feminina. Na prova de luita, estabelecerám-se três categorias (<60 kg / 60-80 kg / >80 kg) e declarará-se um ganhador ou ganhadora de cada umha. Nas provas em que se compita por equipas (4x100 m, brilé, voleibol e triatlom por relevos), estas deverám ter mulheres atletas (nom se admitirám equipas formadas unicamente por homes).

Cada campiom ou campioa de cada prova e categoria somará um ponto para a sua equipa. Será proclamada ganhadora das Olimpiadas Populares a equipa que mais pontos some.

Antonio Seoane, o guerrilleiro de Boiro

2011-03-31T11:55:00.000-07:00

Antonio Seoane, guerrilleiro antifascista galego, naceu en Boiro o 13 de outubro de 1906. Á idade de 5 anos tivo que emigrar coa súa familia para Arxentina, pero isto non foi un impedimento para que este boirense de nacemento seguise estando en contacto coa realidade do seu país xa que dende moi novo mantén relación cos emigrantes que van chegando a Bos Aires dende Galiza. Intégrase na Federación de Sociedades Galegas onde entra en contacto cos fuxidos da Guerra Civil e no ano 1939 entra a militar no Partido Comunista Español co fin de loitar contra o fascismo.

Por instrucións do Partido, viaxa a diferentes zonas da península (Nafarroa, Barcelona e Madrid), onde realiza labores de propaganda e axitación e onde coñece entre outros, a Xosé Gómez Gaioso. No ano 1944 regresa a Galiza como xefe do Exercito Guerrilleiro de Galiza, no que sería o período máis activo da guerrilla, executando numerosas accións contra o réxime franquista. En 1948 é capturado pola Garda Civil, torturado vilmente durante meses e o 6 de novembro de 1948, executado por garrote vil por “actividades comunistas” no Campo da Rata (A Coruña).

A pesares de emigrar sendo apenas un neno de 5 anos de idade, Seoane mantivo un contacto constante coa realidade da terra que o veu nacer. Colabora dende novo coa Federación de Sociedades Galegas, axudando a moitos emigrantes galegos que van chegando a Bos Aires. Co inicio da Guerra, relacionase cos fuxidos, galegos que se viron na obriga de marchar para salvar a vida, republicanos, comunistas, galeguistas,...

En 1939, unha vez rematada a guerra, afíliase ao Partido Comunista de España, coa esperanza de que a 2ª Guerra Mundial chegue á península e deste xeito derrotar o franquismo. Por instrucións do Partido, viaxa a diferentes zonas da península (Nafarroa, Barcelona e Madrid), onde realiza labores de propaganda e axitación e onde coñece entre outros, a Xosé Gómez Gaioso. Despois de varios golpes importantes á dirección do partido, en 1944 os dous loitadores galegos son enviados a Galiza. Seoane, chega como Xefe do Exercito Guerrilleiro de Galicia e seu compañeiro, Xosé Gomez Gaioso, como Secretario Xeral do Partido Comunista de Galicia. Ambos veñen co fin de reorganizar o partido en Galicia e continuar coa a resistencia armada contra Franco. Estes anos coinciden co auxe da resistencia guerrilleira no noso país.

En 1948, Julián, como era coñecido dentro do Exercito Guerrilleiro e no Partido Comunista, foi delatado por un infiltrado na guerrilla, e o 10 de xullo é agardado polo Xefe do Servizo de Información da Garda Civil no bar “Barlovento” da cidade de A Coruña, onde é detido por axentes da benemérita. O traidor que delatou a Seoane, tamén lles facilitaría información aos fascistas sobre unha reunión que tería lugar a mañá seguinte entre Seoane e Gaioso no domicilio do primeiro, situado no número 23 da rúa Real no centro de A Coruña. Cando Gaioso chega ao domicilio de Seoane é recibido por franquistas que o feren gravemente cun disparo que lle entra pola sen e lle sae por un ollo, consegue fuxir pero ao pouco é detido completamente ensanguentado.

Os dous rebeldes, xunto con outros compañeiros e compañeiras, serán encarcerados e tal e como describen nas cartas que escriben a amigos e familiares os derradeiros días da súa vida, son torturados brutalmente durante días, prácticas que aínda hoxe son habituais nos calabozos máis escuros do Estado Español.

Como testemuño, temos estes dous fragmentos, O primeiro é da carta escrita por Gaioso e Seoane aos guerrilleiros da IV AGRUPACIÓN “PASIONARIA”, o segundo é da primeira carta de Gaioso á súa muller despois da detención, ambas escritas dende a cadea en 1948.

(...) Non vale a pena relatarvos as atrocidades que con nós cometeron. Para qué? Qué se podía esperar deses bandidos da brigadilla que, impune e covardemente, asasinan homes e mulleres, dos que saquean e incendian os fogares dos labradores, desas feras sen entrañas que manifestan un goce sádico torturando até a agonía a un ser humano? Moito se ten dito e escrito sobre a barbarie franquista e, non obstante, só é posible comprendelo cando se pasou por iso. Tiña mil veces razón Vilaboi, cando dicía que estes no son seres humanos, que son feras. (...)

(...) O que comigo e Seoane fixeron é algo difícil de relatar. Solo che direi que mil mortes son preferibles ao que con nós fixeron. Cando o 1º de setembro saín do calabozo era un esqueleto. O día da miña detención pesaba 73 quilos e peso 48. Teño o intestino e o estómago desfeito e os pulmóns non deixan de vomitar sangue. As mans, só agora con enorme dificultade, podo coller a pluma. (...)

Gaioso non menciona que tamén lle baleiraron un ollo. Seoane, nas súas cartas, menciona as torturas pero trata de non entra nos detalles.

Despois dun Consello de Guerra sumarísimo, son condenados a morte. Seone, como Xefe do Exercito Guerrilleiro de Galicia e Gaioso, como Secretario Xeral do Partido Comunista de Galicia, sendo os máximos responsables, saben que teñen poucas opcións de salvar a vida, pero apelan ás familias para que mobilicen a opinión internacional e exerzan presión sobre a ditadura franquista e conseguir que lles rebaixen as condenas aos outros condenados capturados na mesma operación.

Pero a campaña non darán os froitos agardados, o día 6 de novembro de 1948, ás 7 horas e 45 minutos, Seoane e Gaioso son executados polas hienas de Franco, sendo soterrados no Cemiterio Civil de A Coruña, nas tumbas número 98 e 99.

Actualmente, no Campo da Rata, lugar da execución de Gaioso e Seoane e outras moitas vítimas da represión franquista, existe un monumento na súa homenaxe, deseñado por Isaac Díaz Pardo, composto por bloques de granito, nos que hai manchas de pintura vermella simbolizando o sangue dos fusilados. Ten unha inscrición que di: Inmolados nestes campos frente ao mar tenebroso por amar causas xustas

Debuxo de Xaime Quessada en homenaxe a Gaioso e Seoane.

Fragmento da carta escrita por Gaioso e Seoane aos guerrilleiros da IV AGRUPACIÓN “PASIONARIA”, dende a cadea en 1948.

(...) Traballade entre o pobo, orientade, organizade e defendede aos nosos bravos labradores, estendede a loita guerrilleira a todos os recantos da nosa amada Galiza. Que como nos dixo a nosa Pasionaria, “as bágoas convértense en odio e o odio en ardor combativo”. (...) e Galiza, esta terra mártir e heroica na que nacemos e pola cal gustosos damos a vida, verá brilla o Sol da liberdade e da verdadeira xustiza de monte a monte e de mar a mar. Cando ese día chegue, que chegará pronto, solo vos pedimos que non vos domine o espírito de vinganza; pero facede xustiza, non esquezades, nin perdoedes aos vitimarios do noso pobo. (...)

Fragmento da carta de Antonio Seoane a un camarada residente na Arxentina, escrita dende a cadea en 1948.

Galiza non se dobregou nin hai tirano capaz de dobregala. Eu e outros magníficos loitadores caemos. Non obstante, a resistencia popular, a loita heroica dos guerrilleiros en vez de amainar intensifícase cada día máis. Isto é grandioso! A terra galega é un viveiro inesgotable e por moita sangue e moitas vítimas que a loita custe, o número dos amantes da liberdade é cada vez maior. (...) eu que coñezo o valor e a firmeza dos obreiros galegos, eu que sei desa intelectualidade progresiva que con entusiasmo contribúe á loita, podo asegurarlle que a vitoria da nosa causa non poderá evitala o réxime sanguinario de Franco por moitos crimes que cometa. Venceremos! E vostedes, os que vexan o día da vitoria, non esquezan nin perdoen aos que ensanguentaron a nosa Patria e levaron a traxedia a cada fogar do pobo. Non crea que pola situación na que me atopo me domina o espírito da vinganza. Non. Pero ás feras hai que tratalas como tales. E se vostedes, se o mundo enteiro puidese só por un minuto ver o estado no que quedaron os meus camaradas, torturados, rebentados, comprenderían isto.

(...)

Amigo e compañeiro: Sen pesimismos, mirando de cara á realidade, creo que esta será posiblemente a última carta que reciba de min. Se isto é así, despídame de todos os meus compañeiros e amigos españois e arxentinos e dígalles que morro co orgullo de ter servido fielmente ao meu pobo e á miña Patria.

Despídome de vostede cun abrazo forte, moi forte, e co grito de ¡Viva a República! – Antonio Seoane. Prisión Provincial, primeira galería, cela nº 6, A Coruña.

Viva a República!

O poeta Rafael Alberti, compañeiro de Partido, lembrouse del nun dos seus poemas, onde escribiu:

En memoria de José Gómez Ganoso, Antonio Seoane y tantos otros héroes caídos en nuestra resistencia.

(…)

Ahora yo quiero nombrar,
no mi nombre, porque el mío
es como el de los demás.

¿A quién nombraré primero?
Nadie es segundo en mi lengua
cuando es de acero el acero.

Si uno es glorioso, en glorioso
al otro no hay quien le gane.

Si digo Gómez Gayoso,
ya estoy diciendo Seoane.

Canto fuerte, camaradas,

compañeros, canto fuerte,
aunque esta copla es de muerte,
sin la garganta apretada.

El Partido Comunista

es en la lucha el primero…

Así se cantó en la guerra

y así lo canta hoy el pueblo.

Aunque le arranquen las manos,

aunque le romapan el pecho,

aunque las venas le expriman…

¡es en la lucha el primero!

¡Sangre de Gómez Gayoso,
sangre pura, sangre brava,
sangre de Antonio Seoane,
de Diéguez, de Larrañaga,
de Roza, Cristino y Vía,
valles de sangre, montañas!

(...)

III Aniversario de Aturuxo

2011-03-30T15:09:00.000-07:00

QUE NON FALTE NINGUÉN!!!

Programación:

Venres 25:

- Ás 22h Xoaninhas (Cantareiras)
- ÁS 23h CANDIDO PAZÓ
- ÁS 00h A Maldita (blues, funk...)

Sábado 26:

- ÁS 13h saimos desde Aturuxo, a tomarlle uns viños por Boiro, acompañarannos o grupo de música tradicional ALGHARABIA e un fogheteiro!
- Ás 15h Xantar para celebrar os 3 anos de traballo do local social. HAI QUE IR APUNTANDOSE!!! (localsocialbarbanza@gmail.com)

- Ás 23h PELdeNOZ (jazz/trad) e O Leo Arremecaghona.