Local Social Aturuxo

Barbança, Galiza
A asociación Aturuxo está composta por veciñas e veciños de Boiro e da comarca que tras moito traballo conseguimos abrir un Local Social no noso concello para dinamizar o tecido asociativo e cultural. É un proxecto cuxos obxectivos son a dignificación e o espallamento da lingua e cultura galegas, a libre expresión e a dinamización social ante a desgaleguización que sofre o país en xeral e zona na que vivimos en concreto, loitar contra das inxustizas sociais... e ofrecer tamén unha alternativa lúdica á que nos ten acostumad@s esta sociedade de consumo.

quinta-feira, 14 de junho de 2012

Festas de Boiro 2012: Por unhas festas galegas e populares



Outro ano máis o L.S Aturuxo quere reivindicar unhas festas galegas e populares. Cremos que é preciso, máis que nunca, a necesidade dunhas festas realmente populares, onde a participación da veciñanza sexa un eixo fundamental e deixen de ser simples espectadores. Reivindicamos tamén que as festas sexan en galego, que a nosa música e cultura estén presentes e que sexan outra das protagonistas. Non se poden entender unhas festas populares sen estos dous elementos: a participación veciñal e a prensenza dos elementos culturais que nos definen como pobo,  porque na festa tamén se fai Pais.

En poucos días publicaremos a programación para as festas deste ano: música ao vivo, foliadas, un xantar popular... son algunhas das actividades que o L.S Aturuxo vai levar a cabo, facendo así a nosa pequena aportación para que as nosas festas sexan verdadeiramente nosas.

Por unhas festas galegas e populares!

Nenhum comentário:

Postar um comentário